طريقة عمل بوراك تركي  بالسكالوب 


طريقة عمل بوراك تركي  بالسكالوب
طريقة عمل بوراك تركي  بالسكالوب 

اليوم أقدم لكم  وصفة بوراك التركي ,وصفة مشهورة لطالما نراها في المسلسلات التركية ,و لا نعرف طريقة تحضيرها , و اليوم سيدتي اقدم لكي الطريقة السهلة و البسيطة لتحضير وصفة بوراك التركي اللذيذ بمكونات بسيطة موجودة في كل بيت إنشاء الله .

المقادير
  • كوب فرينة 
  • ملعقة صغيرة ملح
  • ملعقة صغيرة خميرة الخبز
  • ملعقة كبيرة خل
  • 1/4 كوب زيت نباتي
  • 1/4 حليب دفيء 
  • ماء دافئ حسب الحاجة 
  • الحشو: سكالوب مقطع صغير,ملح ,فلفل اسود ,حبة بصل صغيرة مقطعة  الى قطع صغيرة    حبة طماطم  مقطعة  الى قطع صغيرة  , فلفل احمر  نقليهم كامل مع بعض مع قليل من الزيت و في الاخير نضيف  الفرماج .  

طريقة التحضير


في إناء نخلط الحليب مع الخميرة و السكر ثم نتركه يتفاعل لمدة 10 دقائق, ثم نضيف الزيت و الخل و نخلط الملح مع الفرينة ثم نضيفهم إلى الخليط الأول, و نجمع كامل المكونات بالماء الدافئ حتى نتحصل على عجينة طرية , تشبه عجينة المسمن و نتركها ترتاح لمدة 20 د .
بعد ما ترتاح العجينة , نشكل كريات صغار و نحاول نحللها باليد باستعمال الزيت لكي تسهل العملية . نحللها على شكل مستطيل و نضع الحشو  الجزء السفلي و نضيف الجبن  ثم نلفها  عدة مرات و نتحصل عل بوراكة مستطيلة.

 ثم نضعها في صينية مدهونة بالزيت واحدة أمام الأخرى ,وندهنها بصفار البيض و نرش عليها حبة البركة او السانوج.
  
و بعد ذالك ندخلها إلى الفرن مسخن مسبقا على درجة حرارة  180° وكي تطيب نخرجها من الفرن و نتحصل على الشكل في الصورة .