خبز الدار بالسميد -مجلة سيليا

خبز الدار بالسميد

خبز الدار بالسميد , وصفة جزائرية تقليدية بنينة بزاف ,و تختلف طريقة تحضيره و مكوناته كذالك من منطقة لاخرى . كاين الذين يحضرونه بالسميد فقط و هو الخبز التقليدي و كاين الذين يزيدون اضافات أخرى مثل الفرينة و البيكاربونات و خميرة الحلوة الخ ....... و لكن اليوم سوف أقدم لكم عدة وصفات رائعة جدا لخبز الدار يخرج خفيف كالقطن و سهل كذالك و بمكونات بسيطة موجودة في كل بيت إنشاء الله .

1/ خبز الدار بالسميد الوصفة التقليدية

المكونات

· 500 غ سميد ناعم

· كوب من الفرينة

· 1 بيضة

· 1/2 كوب زيت نباتي

· 2 ملاعق كبيرة حليب بودرة

· 2ملاعق كبيرة خميرة الخبز

· 1 ملعقة كبيرة سكر

· 1 ملعقة كبيرة ملح

· 1 ملعقة كبيرة سانوج *حبة البركة*

· 1 ملعقة كبيرة خل

· ماء دافئ

طريقة التحضيير

نخلط جميع المكونات الجافة جيدا *سميد و الفرينة و السكر و الخميرة و السانوج و الماء * ثم نظيف البيضة و الزيت و الخل و الملح و الماء الدافىء بالتدريج حتى نتحصل على عجينة طرية بزاف . نتركها ترتاح حوالي 15 دقيقة , ثم نعجنها باليد حتى نتحصل على عجينة طرية بزاف , تقريبا مثل عجينة المحاجب . نغطيها و نتركها تختمر في مكان دافىء حتى يتضاعف حجمها .

و بعد ما تختمر نهبطها تخمار و نقسمها الى اثنين و نحللها في صينية مدهونة و نغطيها و نتركها تختمر مرة اخرى . ندهن الوجه بصفار البيض و نزينها بالسانوج و جلجلان و ندخلها الى الفرن مسخن مسبقا على درجة حرارة 180 .

2/ خبز الدارالجزائري بالسميد

المقادير

3 اكواب من السميد الرطب
ربع كوب زيت نباتي
ملعقة كبيرة من السكر
1 ملعقة صغيرة من الملح
1 ملعقة كبيرة من خميرة الخبز
1 ملعقة الخل * اختياري *
ماء دافىء
2 بيض
سانوج او جلجلان

طريقة التحضير

نخلط السميد مع السكر و الخميرة ,ثم نضيف ملعقة كبيرة من الخل , و الزيت نخلط جيدا ثم نضيف الملح و الماء بالتدريج و نعجن باليد جيدا لحوالي 30دقيقة حتى نتحصل على عجينة طرية و ملساء ثم نضيف بياض بيضتين نوااصل الخلط باليد جيدا و في الاخير نضيف السانوج ثم نتركها ترتاح لمدة 10 دقائق ثم ندهن صينية الفرن و نسويها في الصينية و ندهنها بصفار البيض و نرش عليها السانوج او حبة الحلاوة او الجلجلان و نتركها لتختمر و يتضاعف حجمها .
بعد ما يتضاعف الحجم تاعها ندخلها للفرن على درجة حرارة 180 .