Home Top Ad

حلويات هشيشة و سريعة لشرب القهوة

Share:


  
اقدم لك سيدتي  في هذه التدوينة وصفات لحلويات بسيطة و اقتصادية مشهورة في الجزائر . ملائمة لشرب القهوة . هي حلويات خفيفة و سهلة التحضير و بمكونات بسيطة موجودة في كل بيت إنشاء الله .
وصفات اليوم هي حلوة السيار و حلوة السكر التي يعشقها الاطفال و حلوة الفرشيطة حي حلوة تاع زمان يعني حلوة تقليدية على اصولها روعة في البنة . و حلوة الطابع الخفيفة . الحلوة بنينة بزاف و بمقادير بسيطة و سهلة و سريعة التحضير .
اتمنى ان تنال اعجابكم .


 1/ حلوة السيار او صابلي السيار الاقتصادي     


المكونات 
  • 3 بيضات 
  •  كوب سكر  ناعم 
  •  كوب زيت  نباتي
  • كوب ميزينة او النشا
  •  كيس  خميرة كيميائية 
  • 1 فانيليا
  • الفرينة حسب الحاجة   
طريقة التحضير 

  • نخلط البيض مع السكر جيدا  بالخلاط الكهربائي 
  • نضيف اليه الزيت و  الميزينة و الفانيليا 
  • نضيف الفرينة و الخميرة الكيميائية .
  • نضيف الفرينة بالتدريج حتى نتحصل على عجينة طرية 
  • نشكل كريات بوزن 30 غ و نضغط عليها بطابع السيار 
  •  ندخلها الى الفرن تطيب  على درجة حرارة 180
  • بعد ما تبرد الحلوة . نلصقهم بواسطة المربى  و نزين الاطراف بجوز الهند.

 2/ حلوة السكر الملونة 



حلوة السكر 
المكونات 
  • 2 بيضات 
  •  نصف كوب سكر 
  • نصف كوب زيت 
  • نصف كوب سكر ناعم 
  • نصف كيس  خميرة كيميائية 
  • 1 فانيليا
  • الفرينة حسب الحاجة 
  • ملون غذائي 
  • نصف كوب من ماء الزهر  
طريقة التحضير 
  • نخلط البيض مع السكر جيدا  
  • نضيف اليه الزيت و  الميزينة و الفانيليا 
  • نضيف الفرينة و الخميرة الكيميائية 
  • نضيف الفرينة بالتدريج حتى نتحصل على عجينة طرية 
  • نشكل كريات بوزن 25 غ و ندخلها الى الفرن تطيب من التحت ثم نطيبها شويا من الفوق 
  • ناخذ ملون غذائي نضيفه الى ماء الزهر 
  • بعد ما تبرد الحلوة . نغطس كل حبة داخل ماء الزهر الملون و نخرجها مباشرة فوق سكر عادي و نخرجها .



 3/ حلوة الفرشيطة بالشكولاطة 


حلوة الفرشيطة 
   
المكونات 
  • 2 بيض 
  • كوب سكر 
  • كوب زيت
  • 50 غ زبدة طرية
  • 2 ملاعق ميزينة 
  • 1 خميرة 
  • 1 فانيليا
  طريقة التحضير 
  • في اناء نخلط جميع المكونات السائلة 
  • ثم نضيف اليهم الفرينة بالتدريج حتى نتحصل على  عجينة طرية 
  • نشكل كريات صغيرة و نرشمها بالشوكة 
  • ندخلها للفرن مسخن مسبقا .
  • كي يطيبو نلصقهم بالمربى و نزينهم بالشكلاطة كما في الصورة .


 4/ حلوة الطابع التقليدية




حلوة الطابع 


  اليوم اتيت لك سيدتي الجميلة  بوصفة  حلوة الطابع , الحلوة الجزائرية التقليدية , و لكن  قبل كل شيء اود التحدث قليلا على هذه الكعكة الجزائرية اللذيذة  جدا التي يحبها الجميع و لا يستغنون عنها .
حلوة الطابع يعني  ان كل حبات  الكيك  تخرج على اشكال  الطابع  و يمكنك التنوع في الطوابع ,  و يسمى ايضا ب Torno  و هي كلمة اسبانية و تعني برج نظرا لشكله .
 هذه الحلوة االلذيذة هي اكثر شعبية ,و اكثر تقديرا ,و مقاديرها بسيطة  و اقتصادية ,و الاهم في ذالك انها سهلة و بسيطة التحضير  و تتكون من البيض و السكر و الزيت و الخميرة و الفرينة و نضيق نكهات مثل الفاتيليا و بشور الليمون او البرتقال .
اذا كنت تريد الحلوة اكثر هشاشة, يمكن استبدال الزيت بالزبدة المذابة او عمل مزيج بين الزبدة و الزيت . اما بالنسبة للفرينة اي الدقيق يمكنك نزع كمية قليلة و استبدالها بالنشا اي الميزينة . اما بالنسبة للشكل فيمكنك التنوع في اشكال الطوابع مثل الهلال و القلب    هذا ما يزيد من جمالها .
و التزيين عادة ما يكون بالسكر حبيبات او شعيرية الالوان .

المكونات 

  • 4 بيضات 
  • كوب  من السكر 
  • كوب من الزيت 
  • 2 خميرة كيميائية 
  • 1 فانيليا او مبشور الليمون
  • الفرينة حسب الحاجة 
  طريقة التحضير 

  • وعاء نضع البيض و السكر و الزيت  و نخلطهم جيدا باليد 
  • نضيف الفرينة المغربلة مع الفانيليا  و قشور الليمون و الخميرة  نضيف شيئا فشيئا حتى الحصول على عجينة طرية ملساء 
  • نحلل العجينة فوق طاولة العمل بسمك 1 سم .
  • قطعي العجينة بواسطة الطابع ثم نضعه فوق صينية الفرن و بعد ذالك ناخذ البيض و نطلي سطح الكعكة بالبيض و نرش عليها قليل من السكر او الشعيرية .
  • ندخل الصينية الى الفرن مسخن  على درجة حرارة 180 لمدة حوالي 30 د و يترك حتى ياخذ الون الذهبي و نخرجه .
  • و بعد اخراجه نتركه يبرد و نحتفظ به داخل علبة مغلبة .
التزيين 

  •  ناخذ بيضة  كاملة و ندهن بها الحلوة .
  •  نرشها بالسكر او شعيرية الالوان .

**شهية طيبة **

Aucun commentaire