طاجين الشوفلور هو  طبق تقليدي جزائري  راقي و شهي .  ملائم لشهر رمضان المبارك و للاعياد و للضيوف .  يحضر بطريقة سريعة و بمكونات بسيطة و في الاخير تتحصلين على اشهى .
طاجين الشوفلور بنين و اقتصادي . و في هذا المقال جبت ليكم طرق متنوعة لتحضير وصفة الشوفلور  اتمنى ان ينال اعجابكم .




 1/ طاجين الشوقلور على الطريقة التقليدية 

المقادير :

  • 3 الى 4 قطع دجاج
  • شوفلور مغلي  
  • بصلة  كبيرة مفرومة 
  • حبة طماطم مفرومة 
  • ملعقة كبيرة طماطم مصبرة 
  • فلفل اسود 
  • راس الحانوت 
  • قليل من القرفة 
  • ملعقة كبيرة فلفل احمر 
  • ملح
  •  نصف كاس حمص طايب
  • معدنوس
  • 2 بيضات
  • 2 حبات بطاطا متوسطة  
  • 2 ملاعق زيت 
طريقة التحضير :

  • في مقلاة  نضع القليل من الزيت ونضع قطع الدجاج و البصل و الطماطم المفرومة و الثوم و الملح  و التوابل و القليل من المعدنوس نتركهم يتقلاو جيدا ثم نمرق بالماء الساخن حتى يتغطى الدجاج .
  • نقطع البطاطا الى مكعبات متوسطة الحجم ثم نضيفها الى المرق الساخن.
  • نضيف الحمص   ثم نغطي الكسرونة و نتركها تطيب .
  • في صحن اخر نضع البيض و فلفل اكحل و 3 فصوص من الثوم و القليل من المعدنوس نخلطهم جيدا 
  • و بعد ذااك نسخن الزيت و ناخذ حبة شوفلور نضعها داخل البيض و نقليها مباشرة و نواصل العملية .
  • بعد ما تنضج المرقة  نضع حباة الشوفلور المقلية داخل المرق و بعد 5 دقائق فقط نطفىء النار و نزين الطبق بالمعدوس .


 2/ طاجين الشوفلور بالدجاج بشكل جديد




المقادير :
  • 3 الى 4 قطع دجاج
  • شوفلور مغلي
  • 2 فصوص من الثوم   
  • 2 بصلة  متوسطة  مفرومة 
  • 1 ملعقة زيت  و ملعقة زبدة 
  • فلفل اسود 
  • راس الحانوت 
  • قليل من الزنجبيل
  • ملعقة كبيرة فلفل احمر 
  • ملح
  •  نصف كاس حمص طايب
  • معدنوس
  • 2 بيضات  
  • 2 جبن 
طريقة التحضير :

  • اولا  نقطع الشوفلور و نضعه يفور او يغلي مع ملعقة خل و 2 وريقات رند و ملح حتى يطيب و نتركه يقطر على جنب .
  • من جهة  اخري نحضر المرق الابيض الذي هو في كسرونة نضع ملعقة زيت و ملعقة زبدة  و بصلة مفرومة  ثم نضيف الدجاج و نقلي جيدا حتى يذبال البصل ثم نضيف  الزنجبيل و فلفل اكحل و راس الحانوت و الملح و الحمص  و المعندوس ثم نمرق بالماء الساخن قيس ما يغطي الدجاج فقط.
  • بعد ما يطيب الدجاج ننزعه و نضعه في مقلاة مع ملعقة زبدة و نحمره .
  • و في في جهة  اخرى نهرس الشوفلور بالفرشيطة و نضيف حبة بصل مفرومة   و الثوم و المعندنوس و الملح و التوابل و نضيف قطعتين من الجبن و ملعقة فرينة ثم نخلط جيدا و بعد ذالك نشكلها كريات و نحشوه بالداخل بالفرماج ثم نضعها في البيض ثم الخبز المرحي و نقليه في زيت ساخن حتى ياخذ اللون الذهبي .
  • و في الاخير ناخذ صحن نضع فيه القليل من المرق و الحمص و كريات الشوفلور المقلية و نزين بالمعدنوس و يقدم بالصحة و الهناء .


** شهية طيبة**