 |
صابلي البابلي بنكهة حلوة الترك شكل راقي و طعم ولا أطيب |
مرحبا بكم زوار موقع مجلة سيليا , اليوم اقدم لكم في قسم حلويات جافة وصفة صابلي البابلي بنكهة حلوة الترك شكل راقي و طعم ولا أطيب . يذوب في الفم بنته لا توصف و بمقادير مضبوطة و اقتصادية و ناجح من اول تجربة . سوف اقدمها لكم بكل الخطوات و ابسطها هكذا لكي تنجحي في اعداده .
تعلمي ايضا : قاطو بالقوفريط اقتصادي
المقادير
- 250 غ مرغرين طرية
- ربع كاس سكر ناعم حوالى 60 غ
- 2 صفار بيض
- نصف كيس ميزينة
- فانيليا
- فرينة حسب الحاجة
- مربى
- شكولاطة للتزيين
- الحشو 1 : كوكاو محمص مرحي +نستلي كراميل +100 غ حلوة ترك
طريقة التحضير
- في اناء نخلط المرغرين و السكر و البيض جيدا ثم نضيف فانيليا و الميزينة و نخلط جيدا
- نضيف الفرينة بالتدريج حتى نتحصل على عجينة صابلي .
- نفتح العجينة بالحلال ثم نطبعها على شكل مستطيل مثل طابع البابلي .
- نسخن الفرن على درجة حرارة 160 ثم ندخلها للفرن لتنضج.
- بعد ما تنضج نتركها تبرد جيدا ثم نلصق كل حبتين مع بعض بالمربى و نتركها تجف .
- نزين الاطراف بالكاوكاو محمص ثم نتركها على جنب و بعد ذالك نحضر قوالب الشكولاطة البابلي .
- نذوب الشكولاطة على حمام مريم بدون اي اضافات ثم ناخذ طابع البابلي نطلي طامل الطابع بالشكولاطة بواسطة بانسو
- ثم نضع القالب في المجمد لمدة عشرة دقائق و بعد ذالك نخرجه و نضيف طبقة ثاتية بالشكولاطة و ندخلها للثلاجة مرة اخرى .
- ناخذ اناء نخلط فيه الكوكاو المحمص و حلوة ترك و نجمع الخليط بنستلي كراميل و بعد ذالك نخرج القالب من الثلاجة و نملاءه بالحشو ثم نضع طبقة اخيرة ن الشكولاطة نغطي فيها الحشو و ندخلها مرة اخرى للمجمد لتتماسك .
- و بعد اخراجه ننزعها من القالب ثم ناخذ القليل من الشكولاطة نطلى حبة الصابلي من الفوق ثم نلصق قالب بابلي الشكولاطة الي حضرناه من قبل و نكون قد انتهينا من تزينه.نواصل العملية لكامل الحبات و نقدمها مع القهوة بالصحة و العافية .
0 تعليقات